我這幾次遊日本，都有隨身帶著Jessie在日本的電話號碼，以備求救之用，但見面還是第一次，一位健談又好酒量的女士，大家把酒言歡，一見如故，全沒陌生感覺。Jessie丈夫是日本人，問她日常在家做飯，是煮日本料理還是煮中國料理，她說兩者都有，如做日本料理那頓飯，每款餸菜都是精精緻緻的，款式之多，笑言洗碗碟都洗到手軟呢。
這頓晚飯除了燒鵝、皮蛋外，還有白灼黃腳九節蝦、牛肉炒草菇珍珠筍、糖醋排骨及灼菜心，飲品有柚子酒、啤酒、可樂及綠茶，飯後果是車厘子，餘慶節目則欠奉，因為翌日還要上班哩。
跟基哥一家相識十載，今次還是首次在我家吃飯，實在非常高興，可是，我又再次忘記拍下飯聚的歡樂時光，祗在尾聲時影了數張大合照，還要由基哥提出呢，這個主人家是否飲醉了！
喝光了的柚子酒~
鏞記皮蛋(可存放一個月，慢慢吃)~
基哥贈送Jenny's曲奇餅(非常漂亮的盒子)~
22 則留言:
點解唔係拎d白桃雪糕出黎招呼朋友架?! ^^
尋日無番工咩？整咁多野？
咁你尋日屋企一定好熱鬧好開心了！
樽柚子酒真係唔覺有酒味。
小彭：
佢地七點幾先黎到，煮得黎食得黎都十點幾，唔好話雪糕，我留左幾粒'珍貴'花畑牧場牛奶糖，都唔記得攞俾人食呀，我高興到乜都唔記得晒啦~~
師姐：
就係有番工先咁呢hea，慚愧呀，其實得排骨同菜心係我整，蝦同牛肉都係基嫂用冰袋裝黎在我家煮架，妳話佢地係咪好細心吖，超級好人呀！
大頭：
尋日真係好開心呀，仲隊左好多酒呀，如果出街就又冇咁温馨啊~
柚子酒酒精祗有8度，啱晒我呢d酒量淺嘅人啦~
同系列o既桃酒好kun！
娜娜：咁下次同妳隊支桃酒吖~ ^_^
師妹其實好有心，我起碼十年無招呼任何人番屋企 ~
係喎，屋企支桃酒飲左一半左播~
師姐：
去邊家都一樣啫，冇所謂啦~
我讀書果陣成日帶朋友番屋企架，依家屋企細，亞安返早班要早瞓，所以好少請朋友來吃晚飯lu~
萊b爸：
下次帶出黎飲埋佢囉~^^
桃酒, 真係要試下... 正!
以前好鍾意又好 enjoy 整野一班人一齊食，依家無咁既精力，可能係 quota 用晒，哈哈 ~
小彭：
似乎桃酒較多人鍾意，但我就鍾情柚子酒囉~
師姐：
講到精力我都唔好得妳幾多，依家都冇乜喇！
反而我d家姐亞哥亞嫂就仲係精力充沛，令人羨慕呀~
桃酒柚子酒我都有，搵日一齊乾左佢 ~~ ^o^
好呀，你地出酒，我就出命！^t^
師姐、大頭：
一於咁話~~
好~ 一於一齊去師姐屋企度隊酒~~
一田遲幾日有日本酒展，有特價~
萊b爸：一田減價，你係咪買多幾枝酒同我地隊先？
我有一田買 $100 平 $10 的Q 旁邊呀！
冇個“邊”字呀~~
大頭：係咪即係九折Q旁呀？下次帶埋出黎啦~
好呀！^^
發佈留言