七時半起床，立即打開電視查看颱風情況，原來九號風球已遠去，六時四十分改掛三號，心裏想到的是三件事：老師可以順利上機、可以繼續打波、大頭仔可以如常考試，實在太好了！
八時正到達體育館，裏面燈火通明，有兩位職員在當值，但門仍鎖上，沒有張貼任何告示。等候的人們有一點兒鼓燥，致電查詢才知九時會照常「營業」，我們訂的羽毛球場是八至十時，惟有先到大哈樂吃早餐，剛剛吃完已收到隊友來電，可以進場了。趕緊走回體育館簽到，職員問我失去的一個小時選擇退款，抑或免費在六十天內補場，前者需要填寫表格，等候庫房寄回支票；我們選擇後者，並獲即時辦理，服務還算不錯，自然沒有投訴。
繼續餘下一小時的友誼賽，大家都抓緊時間，全情投入，祗是時間太短，意猶未盡啊！
13 則留言:
我地都覺得依個風算打得好，哈哈 ~~~
估唔到個風咁快玩完，尋晚仲吹得鬼死咁勁~
好僵化架
真係落咗波兩個鐘至開工架~
嗰晚橫風橫雨到哩~
師姐：
你做乜改個日本名？係咪譯作"壞孩子"呀？^o^
個風除左令我打少一個鐘頭波之外，真係對我冇乜影响呢。
萊萊：
個風唔係吹正我屋企方向，前晚瞓左覺乜都聽唔到，尋日又冇乜雨，可以照常去街街~^^
大頭：
算啦，人地打工啫~
呢間體育館算好架喇，我地偷雞打早左拾幾分鐘呀！
有波打兼有錢退，都算係咁啦~
依家仲畀你預早劃埋場添，呢仲好!
劉鄧：
係啦，預早劃埋場真係好，淨係蝕左四十五分鐘咋~^^
我行不改名，坐不改姓，依個係正名，supageti 只係羅馬字拼音，不過呢，可能以後就係壞孩子既同義詞，哈哈 ~~~
師姐：
肯定係同義詞呀，呵呵~~
原來依家$66.00/hr，真係搶錢！
新界收$66,九龍同香港收$59，可能係新界居民有錢的啩~
薯嘜、劉鄧：
新界區星期一至六是$51，星期日及假期$66
咁九龍同香港所有時段都收 $59 呀？
大頭：
應該係，不過唔明典解~~
發佈留言