{跟素未謀面的網友見面}~危險呀！
{寫遊記}~跟鴨仔團旅遊，有啥好寫！
{寫網誌}~電腦盲啊，如何弄！
在從前於我來說，這些都是匪夷所思的事！
Maymay一向生活平淡，主要調劑生活的玩意兒，就是每年兩度的日本旅遊。就因為喜愛日遊，數年前不斷在日遊網上游走，因緣際會，認識一班志同道合的哈日網友，促成了破天荒的日本自由行。年多以來見過面的網友共有十一位，有幾位更成為羽毛球友，不時相約打球及飯聚，一起渡過很多愉快的日子。
亦因為這群網友，令我必需建立網誌，跟他們在網上聊天，生活自此變得「充實」。
偶爾重溫舊網誌、舊留言及遊記，都總是禁不住會心微笑，回味無窮！
世事多變，我不知道，這種生活及這種關係能維持多久，祗知道，在現階段寫這網誌，是隨心的、隨意的、享受的，就讓一切順其自然好了！
《大家齊來重溫首篇網誌吧》~~
20 則留言:
這一年過得真快~
昨天看回自己的網誌，原來我們已經一起打了年半羽毛球，如果無寫下網誌作記錄，真不會知道日子過得這麼快。回想與你討論東北行程，好像是沒多久以前的事，真是歲月如飛~
還有，這一年裏由「塘邊鶴」變成「網中人」的身份，有無覺得誤交了損友呢？
師妹同劉鄧都講得好啱，我好多時都要係自己或者網友既卜裡搵番啲回憶。
師妹最後果段好有同感，如果唔享受、唔自然既，我都唔會再寫。
損友？梗有啦，哈哈 ~~
哈哈、跟我們一起真的非常危險…保證你血之高、膽故純高、血x高！！
網絡世界都改變了我嘅生活.
跟素未謀面的網友見面, 真係好危險呀! ^^
哈哈，冇錯呀，全部都係損友黎架！
攪到我淨係識得吃喝玩樂、吹水唔抺咀、有覺唔瞓有野唔做，流連網絡世界，乜高物高，仲唔係損友！
叫人唔好上網，自已就沈迷網絡世界，仲網友見面！唔好話人知我係老師~~~
我都係咁話，寫 blog 除咗係同人分享之外，更重要係留給自己一些回憶，不管是喜的是悲的。如果寫 blog 變成交差咁，就不如唔好寫。
原來不經不覺大家叫你開 blog 已經是年多前的事了~~
哈哈，小彭，你一定仲好記得畀某網友呃啊！^t^
只要大家朋友一齊敘會時開開心心，暫時忘記平日工作上的煩惱，不用你愚我詐，這就是最好的生活之一
總之，大家都 happy blogging 啦 ~~
劉鄧：
仲好記得果次同妳溜夜商討東北行程，以極速訂購機票酒店，係我呢世人決策及行動最快嘅一次。我同亞安都非常享受呢次旅程，真係好多謝妳！
師姐：
同妳第一次見面，驚妳係[危險嘅網友]，仲要揾老公陪住，諗起都好笑！
後來發現原來大家係校友，一齊睇校刋，在舊照片中互相尋找，真係好開心呀！
亞明：
同親你一齊都係食，有乜辦法唔高乜高物丫！^^
小彭：
最估唔到係會跟妳同lala見面，要多謝小妹呀！
Ellen老師：
頭號損友~貪玩貪吃、爛瞓遲到、沉迷上網，約網友見面……
唔好話俾人知我有個網友係老師喎~~^o^
大頭仔：
當時我個blog都未出街就俾你揾到，大家係咁估邊個係神祕人，好好笑！
睇番開張嗰日嘅留言，開心到依家~~
薯嘜：
幾個啱傾嘅朋友坐埋一齊食飯吹水，的確係人生快事！
我地嗰日傾到五點先走呀~
希望大家都繼續開心繼續笑！
想當年，我決定第一次去 ec2 網聚之前，都攝高枕頭諗左好多晚，果日去到會場，o係 reception 見到萊少啦、大雄啦、pace 啦、勞大少啦，感覺好奇妙，入左場見到係網上交流左好耐既大哥大姊，同埋尊貴既網主 Sandy，真係好似發緊夢咁。^^
嘩，原來maymay被我地踢左入行做blog友已經有一年喇，時間過得好快~同埋平均三日一篇都算密喎~
以前既日子真係巧開心呢~~
以後都會好開心 ~~ ^^
師姐：
俾著我都會好興奮呀！
萊少：
係呀，時間過得好快，又老左一年喇！
寫得唔算密喇，我最近都好懶呢~
你依家嘅日子咪仲開心，有b朗萬事足啦！^^
離開校門，我未又係普通人
隨心寫blog囉, 唔使交功課o既 !
老師：嘻嘻，前話是講笑，我覺得老師懂得享受生活就真~^^
galaxy：絕對同意！而且，我這人懶惰，如要當功課交，實肥佬啦，哈哈~~
原來你都係開始咗一年，我都係喎！
naruto：咁啱，不過我冇你咁勤力~
發佈留言