2008年10月27日星期一

一年

原來寫網誌已經有一年了,這篇是第122篇。

{跟素未謀面的網友見面}~危險呀!
{寫遊記}~跟鴨仔團旅遊,有啥好寫!
{寫網誌}~電腦盲啊,如何弄!
在從前於我來說,這些都是匪夷所思的事!


Maymay一向生活平淡,主要調劑生活的玩意兒,就是每年兩度的日本旅遊。就因為喜愛日遊,數年前不斷在日遊網上游走,因緣際會,認識一班志同道合的哈日網友,促成了破天荒的日本自由行。年多以來見過面的網友共有十一位,有幾位更成為羽毛球友,不時相約打球及飯聚,一起渡過很多愉快的日子。


亦因為這群網友,令我必需建立網誌,跟他們在網上聊天,生活自此變得「充實」。


偶爾重溫舊網誌、舊留言及遊記,都總是禁不住會心微笑,回味無窮!


世事多變,我不知道,這種生活及這種關係能維持多久,祗知道,在現階段寫這網誌,是隨心的、隨意的、享受的,就讓一切順其自然好了!


《大家齊來重溫首篇網誌吧》~~


20 則留言:

lau2tang 說...

這一年過得真快~
昨天看回自己的網誌,原來我們已經一起打了年半羽毛球,如果無寫下網誌作記錄,真不會知道日子過得這麼快。回想與你討論東北行程,好像是沒多久以前的事,真是歲月如飛~

lau2tang 說...

還有,這一年裏由「塘邊鶴」變成「網中人」的身份,有無覺得誤交了損友呢?

supageti 說...

師妹同劉鄧都講得好啱,我好多時都要係自己或者網友既卜裡搵番啲回憶。

師妹最後果段好有同感,如果唔享受、唔自然既,我都唔會再寫。

損友?梗有啦,哈哈 ~~

匿名 說...

哈哈、跟我們一起真的非常危險…保證你血之高、膽故純高、血x高!!

匿名 說...

網絡世界都改變了我嘅生活.
跟素未謀面的網友見面, 真係好危險呀! ^^

maymay 說...

哈哈,冇錯呀,全部都係損友黎架!
攪到我淨係識得吃喝玩樂、吹水唔抺咀、有覺唔瞓有野唔做,流連網絡世界,乜高物高,仲唔係損友!

Ellen老師 說...

叫人唔好上網,自已就沈迷網絡世界,仲網友見面!唔好話人知我係老師~~~

largeheadboy 說...

我都係咁話,寫 blog 除咗係同人分享之外,更重要係留給自己一些回憶,不管是喜的是悲的。如果寫 blog 變成交差咁,就不如唔好寫。
原來不經不覺大家叫你開 blog 已經是年多前的事了~~
哈哈,小彭,你一定仲好記得畀某網友呃啊!^t^

匿名 說...

只要大家朋友一齊敘會時開開心心,暫時忘記平日工作上的煩惱,不用你愚我詐,這就是最好的生活之一

匿名 說...

總之,大家都 happy blogging 啦 ~~

maymay 說...

劉鄧:
仲好記得果次同妳溜夜商討東北行程,以極速訂購機票酒店,係我呢世人決策及行動最快嘅一次。我同亞安都非常享受呢次旅程,真係好多謝妳!

師姐:
同妳第一次見面,驚妳係[危險嘅網友],仲要揾老公陪住,諗起都好笑!
後來發現原來大家係校友,一齊睇校刋,在舊照片中互相尋找,真係好開心呀!

亞明:
同親你一齊都係食,有乜辦法唔高乜高物丫!^^

小彭:
最估唔到係會跟妳同lala見面,要多謝小妹呀!

Ellen老師:
頭號損友~貪玩貪吃、爛瞓遲到、沉迷上網,約網友見面……
唔好話俾人知我有個網友係老師喎~~^o^

大頭仔:
當時我個blog都未出街就俾你揾到,大家係咁估邊個係神祕人,好好笑!
睇番開張嗰日嘅留言,開心到依家~~

薯嘜:
幾個啱傾嘅朋友坐埋一齊食飯吹水,的確係人生快事!
我地嗰日傾到五點先走呀~

希望大家都繼續開心繼續笑!

supageti 說...

想當年,我決定第一次去 ec2 網聚之前,都攝高枕頭諗左好多晚,果日去到會場,o係 reception 見到萊少啦、大雄啦、pace 啦、勞大少啦,感覺好奇妙,入左場見到係網上交流左好耐既大哥大姊,同埋尊貴既網主 Sandy,真係好似發緊夢咁。^^

匿名 說...

嘩,原來maymay被我地踢左入行做blog友已經有一年喇,時間過得好快~同埋平均三日一篇都算密喎~
以前既日子真係巧開心呢~~

匿名 說...

以後都會好開心 ~~ ^^

maymay 說...

師姐:
俾著我都會好興奮呀!

萊少:
係呀,時間過得好快,又老左一年喇!
寫得唔算密喇,我最近都好懶呢~
你依家嘅日子咪仲開心,有b朗萬事足啦!^^

Ellen老師 說...

離開校門,我未又係普通人

匿名 說...

隨心寫blog囉, 唔使交功課o既 !

maymay 說...

老師:嘻嘻,前話是講笑,我覺得老師懂得享受生活就真~^^

galaxy:絕對同意!而且,我這人懶惰,如要當功課交,實肥佬啦,哈哈~~

naruto 說...

原來你都係開始咗一年,我都係喎!

maymay 說...

naruto:咁啱,不過我冇你咁勤力~