由於晚上約了家人吃飯，結帳後專程走到九龍城，購買馳名曲奇給大家品嚐。年輕店員招呼試食，試完第二款，未及表示喜歡與否，店員已問我要買多少，我說還想再試另外一款，她便隨即收歛笑容，故意將曲奇擲到碟上給我，但口裏仍公式化地說著”隨便試啦”，不看她的表情，真的會被聲線欺騙，以為正享受著熱情招待呢！
最後試了玫瑰曲奇，玫瑰花味在口裏良久不散，齒頰留香，就買這款吧。
付款時忍不住問那年輕店員~~
maymay：呢位小姐頭先係咪嫌我試得多呀？
年輕店員：唔係呀~
maymay：我覺得你係囉 (心想：我做左幾拾年人，挑通眼眉啦，仲講大話！)~
其餘三位店員幫口：唔好意思呀，你可以隨便試架~
maymay：佢令我好唔開心囉~
收銀員：我都感覺到呀，唔好意思呀~
maymay：(望著年輕店員)下次唔好將d餅掟落個碟度喇~
店員繼續道歉：唔好意思~
Maymay：算啦，不過我真係好唔開心！
離開曲奇店，想起意粉師姐至愛的潮食鋪就在附近，買了想吃已久的韮菜粿及椰菜粿，又在隔鄰雜貨店買了我家鄉出品的臘腸，心情頓時回復愉快！
13 則留言:
May姨,
今日中秋佳節,唔好理呢d人啦~
開心返啦!!!
wa....韮菜粿呀....賣飛彿....
yummy~yummy~
祝:May姨婆 & May姨公
中秋節快樂!!!!!
maymay姨, 依d好似唔係叫不平則鳴喎~
祝中秋節開開心心~
師妹：你都算好老脾，換轉我一定即時發作。
嘩！香港始終有你呀！
不過佢地唔係一樽樽放晒出嚟畀你任試嘅咩？
之後去埋隔離糖百府食綿花冰嘛~
丁丁：
多謝你，我都祝你中秋快樂！
買完韮菜粿已經即刻開心番lu~~
萊萊：
咁應該叫乜？
中秋節開心，大家咁話~^^
師姐：
今晚同屋企人講開，佢地都話我唔夠惡呀~
大頭：
個姐姐今時今日咁嘅態度，簡直係响廁所點燈啦！
係一樽樽放响度，不過係續粒夾俾你試架~
我一肚氣走出黎，冇留意隔離係糖百府喎~~
為呢的人勞氣，唔值得~
祝師妹以後的中秋節都快快樂樂~
劉鄧：
冇勞氣呀，鬧完佢不知幾爽~^^
我都祝你中秋愉快呀！
下次咪鬼幫襯佢~~佢對面那新開餅店我朋友開，下次有機會幫襯佢啦~~
薯嘜：
係果位姐姐衰啫，其他幾個看來好似好d~
對面果間撻你個朵係咪半價？^^
咁又唔會，最多唔會收貴你啫~~嘻嘻~~
唓......
May 姐, 我反而覺得你做得好好。如果你發惡,佢同埋其他店員只係會覺得係你發顛,唔會知係自己的問題。
匿名：
同意你嘅講法~^^
發佈留言