中午跟亞安在尖東利苑飲茶時，決定六時前直堵圓方，一試運氣，倘若真的未能如願，便轉戰同一商場的利苑吃大閘蟹去(不錯的計劃喲，哈哈！)。
午飯後在尖沙咀、旺角、深水埗一帶購物，攜著大包小包，五時四十五分抵達稻庭，門前已有十多人在排隊，我們接著龍尾等，幾分鐘後接待員來逐一登記，排在我們之後第三位始計的人龍，祗獲分配號碼繼續等候，我們能夠吃到「頭圍」，心裏在暗自歡喜！
六時正，已登記的客人如貫入座，我們先來一支冰凍啤酒，再要了兩份柚子湯底的岩手合鴨鍋、鹽燒雞肉串、鹽燒大蝦串及淨烏冬，飽餐一頓，召來經理詢問雪糕產地，確認也來自日本，安心的要了抹茶及芝麻味，香濃滑溜，飯後一甜，大、大、大滿足！
這店食材新鮮，品質上盛，招呼周到，如能繼續保持，日後會再來。
此店烏冬是主角，但原來滲滿柚子湯的春雨才是我杯茶。
17 則留言:
哈哈~
原本我都諗住book今晚去食，不過又係full晒，所以改為陣間lunch去~
咦，我都諗住一陣 lunch 去喎，之後就去睇戲~
萊萊、大頭：
兩位要留意，呢樹星期六、日及假期係冇午市套餐架，
同埋如果吃雞肉串，建議要汁燒，鹽燒味道會較寡~
好豪呀呢位小姐
我上個禮拜日晏晝行過見放咗個好巨型嘅午市套餐牌個喎~
不聽老人言呀我
真係無午市套餐呀
最後我去咗樓下 habitu
唔知萊萊有冇照去呢？
有去呀，乜shabushabu有套餐架咩？
naruto：
唔豪喎，每位300有找。
大頭：
都話左你架啦，又唔聽maymay婆婆講~
萊萊：
我都唔知午市套餐有乜野吃喎，
咁你今日吃左乜呀？
睇完壹週刊, 我想去試下個博多牛腸鍋呀, 少見丫ma!
小妹：
吃完話過我知好唔好味吖~^^
哈哈 ~~ 趁佢未跌 watt 我要帶 husband 去試下 ~~
有 lunch set 架
一百蚊左右架
不過正如網主所講只係一至五平日供應囉~
Maymay呢排好有食神喎~
師姐：
今晚就同師姐夫去吃啦，唔好煮飯喇~
大頭：
星期一至五嘅lunch都益唔到我地~
劉鄧：
希望繼續有好野吃~
呢間我係遊覽秋田吃過，不錯啊~~~
美國牛咋~
典解我地碟配菜d豆腐無燒過，又無芋絲架......
薯嘜：
呢間你實鍾意~
萊萊：
咁安格斯牛巧唔巧吃？係乜野湯底？
我見鄰檯份海鮮鍋豆腐都冇燒過，湯底係乳白色，應該係幾款鍋物配菜同湯底都唔同。
發佈留言