因為還約了意粉師姐和劉鄧妹妹到大埔吃午飯，所以和老師傾談一小會，吃杯{哈緊打}雪糕，便趕忙出門去會合在大埔墟火車站等候我們的劉鄧。
四姊妹在大埔街市集齊之後，便由地膽意粉引領到她慣常光顧的茶檔先坐下，然後大家便分頭去不同的食檔[選購]美食，酥炸鯪魚球、上海炸豬扒麵、炸倆、碗蒸排骨飯、魚蛋粉、砵仔糕，其中魚蛋粉強差人意，名過其實，其餘的都相當可口，不愧為大埔名物。
細心的劉鄧，知道maymay害怕新居容易塞渠，特地買了一個{排水口隔毛髮貼}給我，非常感謝啊！
歡聚兩個多小時，意粉和劉鄧先回家去，我和老師到{群記}購買馳名牛腩，晚上做了牛腩燒賣湯米粉，牛腩肉香且腍，腩汁加進湯內，鮮甜極了！
就這樣過了一個幸福愉快的周末！
21 則留言:
牛腩燒賣米~~~~好有創意
始終都未試過群記牛腩...
老師：燒賣係雪柜嘅存貨，加埋一齊食冇咁單調呀~
大壽星：今日去左邊度慶祝？下次一齊去群記食牛面朱吖~
買唔到牛面珠咩？
師姐：樹頭婆話牛面珠唔外賣，牛腩就有。
嘩... 燒賣米.. 真係估你唔到喎! ^^
群記牛腩，未食過㖭！
通常都係食灣仔同上環
小彭：下次整蝦餃米先~ ^0^
naruto：群記我都係第一次食，唔單止牛腩好味，湯仲好鮮甜，不過肥d，我撇左好多油。
大埔街市檔學利魚蛋都有賣魚肉燒賣，佢地的燒賣都好好味，天冷我都會買回家做煲仔。
劉鄧：我d燒賣唔駛買架，阿哥個朋友做批發，一大袋咁買，又平又好食，我去佢屋企就會做{外家賊}，攞番一小袋囉。
哇~~~咁堆車仔擺檔，5蚊串啦！
大埔廣場有檔燒賣好正嫁，我今日食左三串當 lunch（$12）。
仲加埋辣椒油添，意粉你真識食。
唔要豉油，齋要辣椒油，正正正正正正正！
老師：係喎，maymay冇野撈果時，推車仔賣燒賣米都唔錯喎，老師記得黎幫襯呀~ ^0^
師姐：果然好有食力！
幫襯有幾難！
大埔$12，3串，你沙田地貴D，$5串都ok啦！
師妹：順風順水！路路亨通！
又到maymay出發了！
玩得開心啲，記得要食盡山陽喎~
唔使買手信畀我嘞。
多謝大家啊！
啱啱執好行李，外面又下雨了，希望明早稍停吧！
發佈留言