2008年6月12日星期四

舞出彩虹

哥哥每年生日,都會和我們一家人吃飯慶祝,今年適逢他夫婦倆奪得{2007年業餘標準舞全年總冠軍},嫂嫂又是六月份生日,可謂三喜臨門,遂大排延席,設宴於黃埔某大跳舞會所,慶祝一番!















當晚放工後,先回家梳洗,換上稍為得體的衣服便出門去。偕亞安先到傳說中的扭蛋地方,一心以為可輕易扭到心儀的砌圖,可是人算不如天算,扭蛋機多的是,就是沒有我想要的,向店員查問一下,答案是全部扭馨,唯有空手而回!

哥哥穿著整齊的燕尾{踢死兔}在會前迎賓,笑容滿面,非常忙碌,給我們指示檯號後,我倆便自行入座。為了扭蛋,我們遲了到場,家人早已到齊,舞池中有不少人在翩翩起舞,又有歌手在獻唱,衣香鬢影,非常熱鬧!

與親朋寒喧一會後便已開席,上菜的時間比想像中早,可能是因為有老人家(嫂嫂的父母)的關係吧。中段的時間,姪女兒以司儀身份,介紹各組嘉賓出場表演社交舞,及向在座賓客道謝,表現相當得體,果真大個女了!

表演嘉賓分別有兄嫂的老師、學生及相交多年的朋友,壓軸舞當然由兩位主角擔任,各位的表演都引來全場熱烈掌聲,{安哥}聲不絕,今晚才首次欣賞兄嫂的精湛舞藝,一支棒啊!相比數年前幼嫩的舞姿,有如脫胎換骨!

舞罷哥哥向大家道出這十年來,夫婦倆以業餘身份跳舞生涯的苦與樂、得與失,更謂今次這個獎得來的不易,是要用一整年的時間,到東南亞各地參加比賽獲獎後,才能奪得總冠軍這項殊榮,當中曾經因為體力、時間、及所費不菲,而一度想過放棄,最後憑著熱誠及毅力,終於完成{創舉},說時場面感人,但輕鬆!

笑問同檯的恩伯母可懂得跳舞,年邁的她風趣地答道:「識,後生嗰時囉,俾亞媽打到跳舞丫嘛!」

16 則留言:

Ellen老師 說...

黎我學校兼職教跳舞啦!

maymay 說...

老師:
妳講真定講假?
我亞嫂已經成立左一個舞踏學會,係專門教青少年架。

supageti 說...

師妹同哥哥都幾似樣喎

lau2tang 說...

興趣對學習是一種很大的推動力。
我姐姐都有在工聯會學跳社交舞,仲識到一班朋友,閒時四圍去,都唔知幾開心。等我退休我都會走去學吓跳舞。

maymay 說...

師姐:證明我地係親生嘅,冇花冇假囉,嘻嘻~

劉鄧:去學啦,識跳舞d人夠活力,個人襟老d架~

largeheadboy 說...

這天你哥哥倆夫婦一定滿場飛了!

我識得一個媽咪由細到大努力栽培她的仔仔學社交舞,經常帶他參加不同比賽,的確花了很多心血哩!

Ellen老師 說...

教D小學生唔係咁易呀!

maymay 說...

大頭:
佢地果晚仲消夜直落到四點呀!
老實講,我就唔多鍾意細路仔跳社交舞,攪到d細路老老積積咁!

老師:
絕對認同,所以知妳辛苦囉~ ^_^

匿名 說...

想要咩扭旦呀?

maymay 說...

小彭:
歡迎光臨,黎坐下咪得囉,唔駛咁厚禮啦!^0^
嘻嘻,查實係已經有人話會送一套俾我喇,多謝妳先!

匿名 說...

兩手fing fing好似唔係咁好嘛! ^^

maymay 說...

小彭:係咁倚送梳蕉都得架喇~ ^_^

匿名 說...

wa...舅公 & 舅婆好型ar....

匿名 說...

maymay,係咪依兩支酒?
http://hk.myblog.yahoo.com/iam-roy/photo?pid=1399

maymay 說...

丁丁:妳都話型哩,現場睇仲型呀!

b朗爸:一田就係做緊呢隻牌子推廣,不過我淨係試過柚子酒,桃味冇試。

匿名 說...

我支桃酒都未開,飲左柚子酒就覺得麻麻...